الأرض بتصرّ
انزلي وهنحل الموضوع بهدوء.
في اللحظة دي صوت قوي قطع الجو
باسم! متتحركش!
صوت نورا.
الباب اتفتح فجأة
نور قوي دخل وخلفه رجالة.
باسم لف بسرعة ملامحه اتغيرت لأول مرة.
مش خوف
غضب.
أنا فضلت مكاني مش قادرة أتحرك.
نورا بصت ناحيتي عيونها قالتلي خلاص.
بس الجو لسه مش آمن
الراجل اللي كان مع باسم مش موجود.
اختفى.
نورا قالت بصوت سريع
سارة انزلي حالاً!
نزلت وأنا رجلي بتخبط في بعض
بصيت حواليّا البيت اتغير.
كل حاجة فيه بقت غريبة.
باسم
كان واقف، محاصر بس عينيه عليّ أنا بس.
وقال بهدوء غريب
أنتي متعرفيش نص الحقيقة
نورا صرخت فيه
اسكت!
بس هو كمل
اللي إنتي شايفاه ده مجرد بداية.
جملة واحدة
بس خلت قلبي يقع.
لأن إحساس جوايا قال إن الموضوع أكبر بكتير من اللي حصل.
وأكبر بكتير من باسم نفسه.
وفي اللحظة دي صوت جهاز لاسلكي مع نورا رن
الهدف التاني اختـ,ـفى احتمال كبير لسه قريب.
نورا جمدت.
وبصت حوالينا بسرعة.
وفجأة
نور البيت كله قطع.
الضلمة بلعت المكان.
وصوت باب خارجي اتفتح بعنف.
الضلمة بلعت البيت كله في لحظة
وصوت الباب الخارجي وهو بيخبط بعنف كان كفيل يخلي الـ,ـدم يتجمد في عروقي.
حد بيجري.
مش باسم صوت خطوات تانية.
نورا صرخت
كل واحد مكانه! محدش يتحرك!
نور الكشافات اتفتح فجأة، وواحد من الرجالة جري ناحية الباب وفي ثواني صوت خـ,ـناقة، تخبيط، وصريخ مكتوم.
أنا كنت واقفة في نص الصالة، مش قادرة أتحرك وعيني على باسم.
هو واقف ثابت وكأنه مستني.
قال بصوت هادي
قلتلك الموضوع أكبر من كدة.
نورا قربت منه بسرعة
اسكت اللعبة خلصت.
بس هو ابتسم ابتسامة غريبة
ابتسامة واحد عارف إن عنده ورقة أخيرة.
الولد مش هنا.
الكلمة وقعت زي صاعقة.
جـ,ـسمي كله اتجمد
إيه؟!
نورا بصت له بحدة
بتكدب.
رد بمنتهى البرود
لو كان هنا كنتوا لقيتوه.
في اللحظة دي الراجل اللي حاول يهرب اتسحب لجوه مكبل.
نورا بصت له
فين الطفل؟!
سكت.
نورا صـ,ـرخت
اتكلم!
باسم ضحك ضحكة خفيفة
مش هيقولك لأن اللي ماسكه مش هو.
أنا حطيت إيدي على بوقي الدنيا بدأت تلف بيا.
ابني فين يا باسم؟!
بص لي أول مرة عينه تهتز.
في مكان آمن.
صرخت فيه
آمن لمين؟!
نورا سحبت نفس عميق وبعدين قالت بهدوء حاسم
كفاية لعب إحنا عارفين كل حاجة.
وأشارت لأحد الرجالة.
فتح جهاز وشغّل تسجيل.
صوت باسم واضح.
الطفل هيتسلم قبل الفجر الهويات جاهزة الأم هتخـ,ـتفي.
وش باسم اتغير.
أول مرة الخوف ظهر.
نورا قربت منه خطوة خطوة
شبكة تهريب تزوير هويات نقل أطفال بره البلد وكنت فاكر إنك هتعدي؟
سكت.
ما ردش.
أنا بصيت له مش مصدقة.
كنت ناوي تبيع ابنك؟
الكلمة خرجت بصعـ,ـوبة بس خرجت.
باسم بص في الأرض وبعدين قال بصوت واطي
مش أبيعه أنقذه.
نورا انفجرت
كفاية كدب!
بس هو رفع عينه وقال
الناس اللي ورا الموضوع ده أكبر مني ومنك والولد كان في خـ,ـطر.
ثواني صمت.
وبعدين نورا قالت ببرود
الكلام ده هتقوله في التحقيق.
وأشارت للرجالة.
قيدوه.
باسم بص لي آخر مرة
أنا غلطت بس حاولت أحميه.
أنا مردتش.
لأني مكنتش شايفة غير حقيقة واحدة
هو خسرنا.
بعد ساعة
المعلومة وصلت.
المكان.
مخزن قديم على أطراف المدينة.
تحركوا
فوراً.
أنا كنت قاعدة في العربية جنب نورا إيدي بتترعش قلبي بيخبط بعنف.
وصلنا
أصوات حركة أوامر.
الباب اتكـ,ـسر.
ودخلوا.
ثواني
ودقيقة
ودقايق
كأن الزمن وقف.
وبعدين
صوت.
صوت صغير مألوف.
ماما؟
الدنيا كلها وقفت.
جريت من غير ما أفكر.
وشفته.
ياسين.
قاعد مرعوب بس سليم.
حـ,ـضنته بكل قوتي وعيطت لأول مرة من بداية الليلة.
بعد ساعات
كل حاجة اتقفلت.
الشبكة اتفكت.
الراجل التاني اتقـ,ـبض عليه.
وباسم اتاخد.
بعد أيام
البيت رجع هادي.
بس مش نفس الهدوء.
الهدوء ده فيه وجع وفيه نهاية.
كنت واقفة في نفس المكان اللي بدأت فيه الليلة.
بصيت حواليا
البيت اللي كنت فاكرة إنه أماني طلع مسرح كدبة كبيرة.
بس حاجة واحدة كانت حقيقية.
حـ,ـضنت ابني وهو نايم بهدوء.
نورا وقفت جنبي وقالت
انتي قوية.
هزيت راسي
لا أنا بس فوقت. وبصيت للباب
الباب اللي خرج منه باسم
واللي عمره ما هيرجع منه تاني.
الليلة دي خدت مني كتير
بس رجعتلي أهم حاجة.
ابني
ونفسي.
والحقيقة.
