لفيت امشي
بس قبل ما أوصل للباب
صوت ابويا وقفني استني
وقفت من غير ما أبص له
قال بصوت غريب أول مرة أسمعه فيه انتي بقى ايه بالظبط
سكتت لحظة
وبعدين بصيت له فوق كتفي وقلت حاجة عمرك ما حاولت تفهمها
وفتحت الباب ومشيت
بس وانا خارجة
كان في إحساس جوايا بيقول ان اللي حصل النهارده مش نهاية
دي أول مواجهة حقيقية
ولسه في حسابات تانية محدش فيهم مستعد لها
نزلت السلم بهدوء والهواء البارد خبط في وشي كأنه بيفوقني من كل اللي حصل بس الحقيقة اني كنت واعية لكل تفصيلة العربية السودا كانت واقفة مستنياني والراجل فتح الباب بإشارة
بسيطة ركبت من غير كلام
العربية اتحركت ببطء وسيبت ورايا بيت قضيت عمري كله بحاول أرضيه وماخدتش منه غير تقليل وصمت
بعد دقايق الراجل بصلي وقال بصوت هادي كنتي ممكن تتكلمي من بدري
ابتسمت ابتسامة خفيفة وانا باصة قدامي بعض الحروب لازم تتساب تكبر علشان تبان حقيقتها
هز راسه وكأنه فاهم وقال اللي عملتيه النهارده هيقلب حاجات كتير
قلتله وانا مغمضة عيني شوية ده كان لازم يحصل
وصلنا قدام مبنى إداري كبير نزلت والعساكر اللي واقفين شدوا نفسهم أول ما شافوه
قبل ما أدخل وقفني وقال بكرة هيكون في تحقيق رسمي
بصيت له
وقلت جاهزة
دخلت المبنى وأنا حاسة ان في فصل جديد بيتفتح
تاني يوم الصبح القاعة كانت مليانة وجوه رسمية وملفات قدامي اتحطت
القاضي بدأ الكلام بهدوء وبعدها بدأ عرض الأدلة الصور التسجيلات كل حاجة اتعرضت بدون نقص
وشوش أهلي كانت باينة عليهم الصدمة والخۏف ونسرين مكنتش قادرة ترفع عينها وكريم اختفى تماما كأنه عمره ما كان موجود
لما القاضي سألني لو عندي حاجة أضيفها سكتت لحظة وبعدين قلت الحقيقة مش محتاجة تزيين
بعد ساعات القرار طلع
إلغاء كل أوراق نقل الملكية وإثبات حقي الكامل في البيت وفتح تحقيق رسمي في التزوير والبلاغ الكاذب
امي اڼهارت على الكرسي وابويا كان واقف ساكت مكسور لأول مرة
نسرين كانت بتبصلي بنظرة عمرها ما بصتهالي قبل كده مزيج بين خوف وندم
قمت من مكاني بهدوء وجمعت حاجتي
وأنا خارجة سمعت صوت واطي بينده اسمي
بصيت لقيت ابويا
وقف قدامي متردد وقال انا غلطت
بصيت له ثواني من غير رد
الكلمة اللي كنت مستنياها سنين جات متأخر قوي
قلتله بهدوء في أخطاء بتتصلح وفي أخطاء بتتدفع
وسبته ومشيت
رجعت البيت بيتي أنا
فتحت الباب وكان فاضي وهادي نفس الحيطة اللي كانت فاضية رجعت علقت عليها صورة جدتي تاني
بإيدي
وقفت قدامها شوية وانا بحاول أستوعب ان كل حاجة رجعت لمكانها
بس جوايا كنت عارفة اني مش نفس البنت اللي خرجت من هنا من خمس سنين
رن تليفوني
رقم غريب
رديت
صوت جاد قال المهمة الجديدة جاهزة
سكت لحظة وبعدين سألت فين
قال المكان أبعد بكتير من المرة اللي فاتت
بصيت حواليا على البيت وعلى الصورة
وابتسمت ابتسامة خفيفة
واضح إن الحكاية لسه مخلصتش
قفلت التليفون وفضلت واقفة في نص الصالة بصه حواليا البيت ساكت بس مش الوحدة اللي كنت حاساها زمان دي كانت سكون مختلف سكون واحد
رجع حقه وعارف هو مين
قربت من صورة جدتي ولمست الإطار بإيدي وابتسمت ابتسامة صغيرة كأنها شايفاني وسامعاني طول الوقت
قعدت على الكنبة لحظة أخدت نفس عميق وبعدين قمت بسرعة كأني أخدت قرار من غير تفكير
دخلت الأوضة وفتحت الدولاب طلعت شنطة صغيرة نفس الشنطة اللي خرجت بيها من البيت من خمس سنين بس المرة دي مفيش هروب
المرة دي رجوع بشكل تاني
حطيت فيها شوية حاجات بسيطة وقفلتها من غير تردد
وقفت قدام المراية وبصيت لنفسي نفس الملامح بس
القوة اللي في عيني مختلفة تماما
رن التليفون تاني نفس الرقم
رديت بسرعة جاهزة
الصوت رد تمام التحرك خلال ساعة
قفلت ولفيت أبص للبيت مرة أخيرة
مشيت ناحية الباب وفتحتُه بهدوء
بس قبل ما أخرج وقفت ثانية صغيرة وبصيت ورايا
المكان ده كان شاهد على كل حاجة الضعف والخذلان والانتصار
غمضت عيني لحظة وبعدين فتحتها وأنا خلاص حسمت أمري
خرجت وقفلت الباب ورايا
الهواء اللي برا كان أبرد بس المرة دي مكنش بيهزني
مشيت بخطوات ثابتة والعربية مستنياني
ركبت من غير ما أبص ورايا
العربية اتحركت والمدينة بدأت
تبعد
المرة دي أنا مش رايحة أصلح الماضي
أنا رايحة أصنع حاجة أكبر بكتير
واللي حصل في البيت ده
كان مجرد أول اختبار
لأن الحقيقة اللي محدش يعرفها لسه
إن اللي جاي أخطر بكتير
العربية كانت ماشية في طريق طويل والأنوار بتعدي على وشي واحدة واحدة زي شريط ذكريات بيتقفل صفحة ورا التانية وأنا ساكتة بس جوايا هدوء غريب أول مرة أحسه
بصيت من الشباك والمدينة بتبعد وقلت لنفسي أخيرًا كل حاجة اتحطت في مكانها الصح لا في ظلم ولا في خوف ولا في حد قادر يقلل مني تاني
السواق قال وصلنا
العربية وقفت قدام مكان واسع هادي ومفيهوش أي صوت غير الهوا
نزلت ووقفت ثابتة
باب كبير قدامي اتفتح ببطء
دخلت من غير تردد
كان في ناس مستنياني وجوه كلها جدية مفيش هزار مفيش استعراض
واحد منهم قرب وقال المهمة دي مختلفة
بصيت له وقلت بهدوء أنا كمان بقيت مختلفة
ابتسم ابتسامة خفيفة وقال كنا عارفين
سكت لحظة وبعدين قال اللي حصل في بيتك كان مجرد بداية اختبار
بصيت له من غير أي اندهاش وقلت كنت حاسة
قال وهو بيديلي ملف تقيل اللي جاي محتاج حد زيك
مسكت الملف وفتحته أول
صفحة بس كانت كفاية تخلي عيني تضيق
أسماء كبيرة
أماكن أخطر
وحاجة أوضح من أي حاجة تانية
اللعبة لسه في أولها
قفلت الملف بهدوء ورفعت عيني ليه
وقلت امتى نبدأ
رد فورًا دلوقتي
لفيت وبصيت قدامي
خطوة واحدة بس
وخدتها
ومن اللحظة دي
مافيش رجوع تاني
تمت حكايات محمد عبده
